22 లక్షల ఐటీ కొలువులు ఇస్తాం: ఎస్పీ

కల్హర్‌ నుంచి బరిలో అఖిలేశ్‌

లఖ్‌నవూ: ప్రజలు తమకు అధికారమిస్తే... ఉత్తర్‌ప్రదేశ్‌ రాజధాని లఖ్‌నవూను ఐటీ కేంద్రంగా తీర్చిదిద్దుతామని సమాజ్‌వాదీ పార్టీ (ఎస్పీ) అధ్యక్షుడు అఖిలేశ్‌ యాదవ్‌ అంటున్నారు. అంతేకాదు.. ఐటీ రంగంలో 22 లక్షల కొలువులు యువతకు ఇస్తామని కూడా హామీ ఇచ్చారు. ‘‘గతంలో మేం అధికారంలో ఉన్నప్పుడు ఐటీ రంగంలో రాష్ట్రాన్ని ముందుకు తీసుకు వెళ్లాలని చాలా ప్రయత్నాలు చేశాం. మళ్లీ అధికారంలోకి వస్తే.. 22 లక్షల కొలువులు ఈ రంగంలో యువతకు అందిస్తాం’’ అని శనివారం విలేకరుల సమావేశంలో అఖిలేశ్‌యాదవ్‌ ప్రకటించారు. ఈ సందర్భంగా మెయిన్‌పురి జిల్లాలోని కర్హల్‌ సీటు నుంచి అఖిలేశ్‌ పోటీ చేస్తారని ఎస్పీ ప్రకటించింది.