విలీన మండలాలు విలవిల

చింతూరు, న్యూస్‌టుడే: అల్లూరి సీతారామరాజు జిల్లాలోని విలీన మండలాలకు మరోసారి వరద ముప్పు ముంచుకొచ్చింది. గత నెల 9న ప్రారంభమైన వరద ఇప్పటికీ వేధిస్తుండగా... బుధవారం చింతూరు, కూనవరం, వరరామచంద్రాపురం మండల కేంద్రాలు మరోసారి నీటమునిగాయి. కూనవరం కొత్త బస్టాండ్‌, అటవీశాఖకు వెళ్లే రహదారితోపాటు చింతూరు, టేకులబోరు గ్రామాల్లోని అనేక ఇళ్లు, దుకాణాలు గోదావరి నీటిలో చిక్కుకున్నాయి. జులైలో మాదిరిగానే ప్రస్తుతం సంభవించిన వరద గ్రామాలను ముంచేస్తోంది. సహాయక చర్యలు లేక ముంపు బాధితులు విలవిలలాడుతున్నారు.