ఈఎస్‌జీ రేటింగ్‌ ఇచ్చేందుకు ఇక్రా అనుబంధ సంస్థకు అనుమతి

దిల్లీ: పర్యావరణ, సామాజిక, పరిపాలన (ఈఎస్‌జీ) రేటింగ్‌  ఇచ్చేందుకు ఇక్రా అనుబంధ సంస్థ ప్రగతి డెవలప్‌మెంట్‌ కన్సల్టింగ్‌ సర్వీసెస్‌ లిమిటెడ్‌కు (పీడీసీఎస్‌ఎల్‌) సెబీ అనుమతి ఇచ్చింది. ఈఎస్‌జీ రేటింగ్‌లు, స్కోర్‌లు సహా పలు రిస్క్‌ మానిటరింగ్‌ సొల్యూషన్లను అందిస్తున్న సంస్థలు దేశీయంగా కొన్ని మాత్రమే ఉన్నాయి. ఇప్పుడు ఆ జాబితాలో ఇక్రా గ్రూపు చేరింది. ‘సెబీ క్రెడిట్‌ రేటింగ్‌ ఏజెన్సీస్‌ నిబంధనల కింద కేటగిరి-1 ఈఎస్‌జీ రేటింగ్‌ ప్రొవైడర్‌గా (ఈఆర్‌పీ) ఇక్రాకు చెందిన పూర్తి అనుబంధ సంస్థ పీడీసీఎస్‌ఎల్‌ నమోదయ్యేందుకు సెబీ అనుమతి ఇచ్చింద’ని ఇక్రా తెలిపింది. ఈఆర్‌పీ రిజిస్ట్రేషన్‌ కోసం 2023 సెప్టెంబరులో పీడీసీఎస్‌ఎల్‌ దరఖాస్తు చేసుకుంది. గతవారం క్రిసిల్‌కు చెందిన క్రిసిల్‌ ఈఎస్‌జీ రేటింగ్‌ అండ్‌ అనలిటిక్స్‌కు కూడా ఇదే తరహా అనుమతులను సెబీ ఇచ్చింది.