Road Accident: ఆదిలాబాద్‌ పట్టణంలో రెండు ద్విచక్ర వాహనాల ఢీ: ఒకరు మృతి

ఆదిలాబాద్‌: ఆదిలాబాద్‌ పట్టణంలో శుక్రవారం రాత్రి రెండు ద్విచక్రవాహనాలు ఢీకొట్టుకున్నాయి. ఈఘటనలో ఒకరు మృతి చెందగా, మరో ఇద్దరికి గాయాలు అయ్యాయి. పట్టణంలోని రామ్‌నగర్‌ హనుమాన్ మందిరం వద్ద పాత జాతీయ రహదారిపై ఈ ఘటన చోటుచేసుకుంది. ప్రమాద దృశ్యాలు సీసీ కెమెరాలో నిక్షిప్తమయ్యాయి. రాంనగర్‌కు చెందిన చెందిన ఏఆర్ కానిస్టేబుల్ వినోద్ తన కుమారుడితో వెళ్తూ.. హనుమాన్ మందిరం వద్ద రోడ్డు దాటే క్రమంలో మరో ద్విచక్రవాహనంపై వస్తున్న విద్యార్థి సాయివంశీ గౌడ్‌ను వేగంగా ఢీకొన్నాడు. దీంతో ముగ్గురికి తీవ్రగాయాలవగా స్థానికులు రిమ్స్‌కు తరలించారు. తీవ్రంగా గాయపడిన సాయివంశీ గౌడ్ నిజామాబాద్ ఆసుపత్రికి తరలించగా అక్కడ చికిత్స పొందుతూ మృతి చెందారు. మిగతా ఇద్దరు రిమ్స్‌లో చికిత్స పొందుతున్నారు.