పదవి విరమణ పొందిన ఎస్ఐకి ఘన సన్మానం

ఎదులాపురం: అదిలాబాద్ రెండో పట్టణ పోలీస్ స్టేషన్‌లో ఎస్సైగా పనిచేస్తూ మంగళవారం పదవి విరమణ పొందిన జీవీ రమణారెడ్డి, అతని సతీమణి విజయలను ఎస్పీ గౌష్ ఆలం పోలీస్ ముఖ్య కార్యాలయంలో శాలువాలు కప్పి, మిఠాయిలు తినిపించి, బహుమతులు అందజేసి ఘనంగా సత్కరించారు. అనంతరం ఆయనను పోలీసు వాహనంలో ఇంటికి సాగనంపుతూ సాదరంగా వీడ్కోలు పలికారు. ఈ సందర్భంగా ఎస్పీ మాట్లాడుతూ నిజామాబాద్ జిల్లాలో 1985లో కానిస్టేబుల్ గా ఉద్యోగంలో చేరి సుదీర్ఘకాలం పోలీస్ శాఖలో సేవలందిస్తూ ఎస్సై స్థాయికి చేరిన అతనిని అభినందించారు. కార్యక్రమంలో అదనపు ఎస్పీ సురేందర్రావు, పోలీస్ అసోసియేషన్ అధ్యక్షుడు పెంచాల వెంకటేశ్వర్లు, సభ్యులు చిందం దేవిదాస్ తదితరులు పాల్గొన్నారు.