బైండోవర్ ఉల్లంఘన కేసుల్లో తాఖీదులు

ఎదులాపురం: బైండోవర్ ఉల్లంఘన కేసుల్లో నిందితులు రూ.ఒక లక్ష చొప్పున చెల్లించాలని మావల తహసీల్దార్ తాఖీదులు జారీ చేశారు. సుభాష్ నగర్‌కు చెందిన బాబా ఖాన్, వడ్డెర కాలానికి చెందిన సిండే కిషన్ లను మావల పోలీస్ స్టేషన్ పరిధిలో గంజాయి కేసులో పోలీసులు గత ఆగస్టులో బైండోవర్ చేయించారు. అనంతరం వారు మళ్లీ అదే నేరం చేయటంతో ఎస్సై ఇచ్చిన నివేదిక మేరకు 10 రోజుల్లో రూ.లక్ష చెల్లించాలని, లేనట్లయితే చట్టపరంగా చర్యలు తీసుకుంటామని తహసీల్దార్ తాఖీదులు జారీ చేశారు. మావల ఎస్సై విష్ణువర్ధన్ ఆ ఉత్తర్వులను నిందితులకి అందజేశారు.