కారల్‌ మార్క్స్‌ ఆశయాలను స్ఫూర్తిగా తీసుకోవాలి

ఎదులాపురం: కారల్ మార్క్స్ ఆశయాలను నెరవేరిస్తేనే ఆయనకు నివాళులు అర్పించినట్లు అవుతుందని సీపీఎం, సీఐటీయూ జిల్లా కార్యదర్శులు సూచించారు. కార్మికుల కోసం, వారి సమస్యల పరిష్కారానికి పోరాడిన కారల్‌ మార్క్స్‌ మాటలను, ఆశయాలను స్ఫూర్తిగా తీసుకోవాలన్నారు. ఆదివారం కారల్‌ మార్క్స్ జయంతిని సుందరయ్య భవనంలో సీపీఎం, సీఐటీయూ నాయకులు వేరువేరుగా ఘనంగా నిర్వహించారు. ఈ సందర్భంగా ఆయన చిత్రపటానికి పుష్పాంజలి సమర్పించి నినాదాలు చేశారు. ఈ సందర్భంగా వారు మాట్లాడుతూ.. కార్మిక చట్టాలను పటిష్ఠంగా అమలు జరపడానికి తాము నిరంతరం కృషి చేస్తామని తెలిపారు. దోపిడి వ్యవస్థ నుంచి కార్మిక వ్యవస్థను కాపాడడానికి ఆయన మార్గదర్శకం చేశారని తెలిపారు. ఆయన స్ఫూర్తితో కార్మికుల అండగా ఉంటూ ఉద్యమిస్తామని పేర్కొన్నారు.