పోలింగు కేంద్రాల్లో సమస్యలుంటే చెప్పండి

మాట్లాడుతున్న ఆర్వో ప్రశాంత్‌కుమార్‌

రంపచోడవరం, న్యూస్‌టుడే: ఎన్నికల విధులు నిర్వహించన్ను అధికారులు, సిబ్బంది ఈవీఎంలు, వీవీ ప్యాట్లపై పూర్తిస్తాయిలో శిక్షణ తీసుకుని అవగాహన కలిగి ఉండాలని రంపచోడవరం అసెంబ్లీ నియోజకవర్గ రిటర్నింగ్‌ అధికారి ఎస్‌.ప్రశాంత్‌కుమార్‌ పేర్కొన్నారు. స్థానిక ప్రభుత్వ డిగ్రీ కళాశాల సమీపంలోని గిరిజన సంక్షేమ గురుకుల బాలికల పాఠశాలలో శనివారం పాడేరు నియోజకవర్గం నుంచి వచ్చిన పీవోలు, ఏపీవోలకు ఈవీఎంలు, వీవీ ప్యాట్లపై శిక్షణ ఇచ్చారు. ఈ సందర్భంగా ఆర్వో ప్రశాంత్‌కుమార్‌ మాట్లాడుతూ రంపచోడవరం నియోజకవర్గంలో 399 పోలింగ్‌ కేంద్రాలను ఏర్పాటు చేశామన్నారు. కేంద్రాలలో సమస్యలుంటే వెంçËనే సెక్టారల్‌ అధికారులకు తెలపాలన్నారు. తహసీల్దార్లు ఏవీ రమణ, సత్యనారాయణ, డీటీలు శివ, రాజు, శ్రీధర్‌, స్వామి, మాస్టర్‌ ట్రైనీలు తదితరులు పాల్గొన్నారు.