అనంత బాబు ఆటలు సాగనీయం

కూటమి అభ్యర్థిని శిరీషాదేవి

ఫజుల్లాబాద్‌ వద్ద ఎన్నికల ప్రచారంలో శిరీషాదేవి

దేవీపట్నం, న్యూస్‌టుడే: వైకాపా ప్రభుత్వంలో ప్రజలు చాలా కష్టాలు పడుతున్నారని రాష్ట్రం బాగుపడాలంటే తెదేపా ప్రభుత్వం రావాల్సిందే అని రంపచోడవరం అసెంబ్లీ కూటమి అభ్యర్థిని మిరియాల శిరీషాదేవి అన్నారు. దేవీపట్నం మండలం ఫజుల్లాబాద్‌ నుంచి ఇందుకూరుపేట మీదుగా పోతవరం, దేవారం, శరభవరం వరకు శనివారం ర్యాలీ నిర్వహించారు. ఎన్నికల సమన్వయకర్త, మాజీ ఎమ్మెల్యే వంతల రాజేశ్వరి, విశ్వహిందూ ధర్మ పరిరక్షణ రామసేన అధ్యక్షులు కంబాల శ్రీనివాస్‌ ర్యాలీలో పాల్గొన్నారు. శిరీషా మాట్లాడుతూ ఎమ్మెల్సీ అనంత బాబు చేసే అక్రమాలు ఇక్కడి ప్రజలందరికీ తెలుసన్నారు. రాబోయే రోజుల్లో ఆయన ఆటలు సాగనీయమని, వారంతా ఎంత తగ్గి ఉంటే అంత మంచిదని శిరీషాదేవి హెచ్చరించారు. పునరావాస కాలనీల్లో నిర్వాసితుల సమస్యలను తెలుసుకున్నారు.  మరిశెట్ల వెంకటేశ్వరరావు, మట్టా మెహర్‌బాబాగౌడ్‌, మాగాపు బాబూరావు, కారం పోశమ్మ, గోళ్ల చంటిబాబు తదితరులు పాల్గొన్నారు.