యువత కూటమికి మద్దతివ్వాలి

అరకులోయ, న్యూస్‌టుడే: నిరుద్యోగ యువతను మోసం చేసిన వైకాపాను తరిమికొట్టి.. ఎన్డీఏ కూటమి అభ్యర్థులకు ఓటు వేయాలని నిరుద్యోగ జేఏసీ రాష్ట్ర కన్వీనర్‌ సిద్దిఖి పిలుపునిచ్చారు. జేఏసీ ఆధ్వర్యంలో నిర్వహిస్తున్న నిరుద్యోగ బస్సుచైతన్య యాత్ర బుధవారం అరకులోయ చేరుకుంది. ఈ సందర్భంగా ఆయన మాట్లాడుతూ.. యువతకు అన్యాయం చేసిన వైకాపా ప్రభుత్వానికి వ్యతిరేకంగా అనంతపురం నుంచి శ్రీకాకుళం వరకు బస్సు చైతన్య యాత్ర నిర్వహిస్తున్నామని తెలిపారు. ఈ ప్రభుత్వం ఉద్యోగ నోటిఫికేషన్‌లు ఇస్తామని కాలం వెళ్లదీసిందన్నారు. నిరుద్యోగ భృతి సైతం కల్పించలేదన్నారు. రాష్ట్రంలో ఉపాధి లేక యువత తీవ్ర ఇబ్బందులు పడుతున్నారన్నారు. కూటమి మ్యానిఫెస్టోలో నిరుద్యోగ భృతి నెలకు రూ. 3 వేలు, ఉద్యోగ నోటిఫికేషన్లు ఇస్తామని ప్రకటించిందని గుర్తుచేశారు. యువత కూటమికి మద్దతు పలకాలని కోరారు. చంద్రబాబు ముఖ్యమంత్రి అయితేనే ఉద్యోగాలు వస్తాయని చెప్పారు.