ఈ రోడ్డుపై సాహసం చేయాల్సిందే

అర్తమూరులోని జగనన్న కాలనీకి వెళ్లే మట్టి రోడ్డు

వైకాపా ప్రభుత్వం ప్రవేశ పెట్టిన జగనన్న కాలనీల్లో భాగంగా మండలంలోని అర్తమూరులో 150 ఫ్లాట్లతో లేఔట్లను ఏర్పాటు చేసి లబ్ధిదారులకు కేటాయించారు. కాలనీ ఏర్పడి రెండేళ్లయినా పూర్తి స్థాయిలో కనీస మౌలిక వసతులు కల్పించకపోవడంతో ఇళ్ల నిర్మాణాలు చేపట్టేందుకు ప్రజలు మొగ్గు చూపడం లేదు. ఇప్పటి వరకు 150కి సుమారు 20 మంది మాత్రమే ఇళ్ల నిర్మాణాలు ప్రారంభించారు. ప్రస్తుతం అవి వివిధ దశల్లో ఉన్నాయి. జాతీయ రహదారికి సమీపంలో ఉండే ఈ కాలనీకి వెళ్లేందుకు మట్టి రోడ్డు కావడంతో ప్రజలు సుముఖత చూపించడం లేదు. విద్యుత్తు, కుళాయిల సదుపాయం లేదు. అధికారులు, ప్రజాప్రతినిధులు స్పందించి తమ కాలనీకి మౌలిక వసతులు కల్పించి అంతర్గత, ప్రధాన రోడ్లను నిర్మించాలని కోరుతున్నారు.

అర్తమూరు (బంటుమిల్లి), న్యూస్‌టుడే