నన్ను చంపేందుకు వైకాపా నేతల కుట్ర

కొలికపూడి శ్రీనివాసరావు

తిరువూరు: వైకాపా నేతలు తనను చంపేందుకు ప్రయత్నిస్తున్నారని తిరువూరు తెదేపా అభ్యర్థి కొలికపూడి శ్రీనివాసరావు ఆరోపించారు. సోమవారం నామినేషన్‌ సందర్భంగా ఆయన మాట్లాడుతూ..తిరువూరుకు చెందిన ఓ మహిళా నాయకురాలు, పుట్రేలకు చెందిన రెడ్డి సామాజికవర్గ నేత గత పది రోజులుగా తనను అడ్డు తొలగించాలని ప్రణాళికలు వేస్తున్నారన్నారు. ఇలాంటి కుట్రలకు వెరవనని, ఆఖరి శ్వాస వరకు తిరువూరు గడ్డ మీదే ఉండి ఈ ప్రాంతం అభివృద్ధికి పనిచేస్తానని పేర్కొన్నారు. తిరువూరు నుంచి భారీ మెజార్టీతో విజయం సాధిస్తానని ధీమా వ్యక్తం చేశారు.