మధ్యాహ్న భోజనం నిర్వహణపై ఆరా

పాపంపేటలో విద్యార్థులతో కలిసి భోజనం తింటున్న అధికారులు

అనంత నేరవార్తలు, న్యూస్‌టుడే: విజిలెన్స్‌, ఎన్‌ఫోర్స్‌మెంట్‌ అధికారులు శుక్రవారం ఉమ్మడి జిల్లాల్లోని జిల్లా పరిషత్‌ ఉన్నత పాఠశాలల్లో మధ్యాహ్న భోజనం తనిఖీ చేశారు. అనంతపురం జిల్లాలో అనంతపురం రూరల్‌లోని పాపంపేట, రాయదుర్గం మండలంలో ఆవులదట్ల, శ్రీసత్యసాయి జిల్లాలో చిలమత్తూరు మండలం కొడికొండ, కదిరి మున్సిపల్‌ ఉన్నత పాఠశాలల్లో నాలుగు బృందాలు ఆకస్మిక తనిఖీలు నిర్వహించారు. ఆవులదట్లలో శుక్రవారం గుడ్లు పంపిణీ చేయలేదు. తనిఖీ చేసిన ఈ నాలుగు పాఠశాలల్లో మధ్యాహ్న భోజనాన్ని ఉన్నతాధికారులెవరూ తనిఖీలు చేయనట్లు గుర్తించారు. విద్యార్థుల సంఖ్యకు అనుగుణంగా వంట మనుషులు, సహాయకులు లేనట్లు గమనించారు. తనిఖీల్లో ఐవోపీలు సాయిప్రసాద్‌, రామారావు, వెంకటరమణ, డీఈఈ యోగేష్‌బాబు, ఎస్సై ఫణీంద్రనాథ్‌రెడ్డి, ఏవో వాసుప్రకాష్‌, ఏజీ శివప్రసాద్‌, ఏఈఈ రవీంద్రనాథ్‌, సిబ్బంది పాల్గొన్నారు.