బాలకృష్ణకు ఘన స్వాగతం

పెనుకొండ పట్టణం, న్యూస్‌టుడే: సినీనటుడు, హిందూపురం ఎమ్మెల్యే బాలకృష్ణ శుక్రవారం పెనుకొండ మండలంలోని కియా పరిశ్రమ సమీపంలోని హెలిప్యాడ్‌ వద్దకు రావడంతో ఎమ్మెల్యే అభ్యర్థి సవిత ఆయనకు పూలమాలవేసి, శాలువాతో ఘనస్వాగతం పలికారు. ప్రకాశం జిల్లా పర్యటనకు హెలికాప్టర్‌లో వెళ్లేందుకు ఆయన హిందూపురం నుంచి ఇక్కడి వచ్చారు. కియా ఇండియా కార్లతయారీ పరిశ్రమసమీపంలో హెలికాప్టర్‌ దిగింది. తమ అభిమాన నటుడు బాలకృష్ణ వస్తున్న విషయం తెలుసుకొన్న స్థానికులు పెద్దసంఖ్యలో అక్కడికి చేరుకొని జైబాలయ్య అంటూ నినాదాలు చేశారు. ఆయనతో ఫొటోలు దిగారు. ఇక్కడి నుంచి హెలికాప్టర్‌లో ఆయన కందుకూరుకు బయలుదేరివెళ్లారు.