వైకాపా నాయకుల పథకం.. వాలంటీర్లు ప్రచారం!

వాలంటీర్‌ రాంబాబు స్టేటస్‌గా పెట్టుకున్న చిత్రం

సీతానగరం, న్యూస్‌టుడే: వైకాపా నాయకుల ఒత్తిళ్లతో కొంతమంది వాలంటీర్లు రాజీనామాలు చేసి ఎన్నికల ప్రచారానికి సిద్ధమవుతుంటే మరి కొంతమంది రాజీనామాలు చేయకుండానే ప్రచారం చేస్తున్నారు. సీతానగరం మండలంలోని 20 సచివాలయాల్లో 341 మంది వాలంటీర్లు పనిచేస్తుంటే ఇప్పటివరకు 231 మంది రాజీనామా పత్రాలను అధికారులకు అందించారు. చినకొండేపూడి సచివాలయంలో వాలంటీరుగా పనిచేస్తున్న రాంబాబు ప్రతిరోజు లబ్ధిదారులకు వైకాపా ప్రచారాస్త్రాలను పంపిస్తూ.. విస్తృతమైన ప్రచారానికి దిగారు. కోరుకొండ, రాజానగరం, సీతానగరం మండలాల్లోని వైకాపాకు సంబంధించిన ఎన్నికల ప్రచారంతోపాటు సీఎం సిద్ధం సభ తదితర కార్యక్రమాలన్నీ వాట్సాప్‌ స్టేటస్‌లద్వారా ప్రజలకు చేరవేస్తున్నారు.