మహిళా బిల్లుకు అన్ని పార్టీలు మద్దతు ఇవ్వాలి

మాట్లాడుతున్న రాజేందర్‌పటేల్‌గౌడ్‌. చిత్రంలో బీసీ నేతలు

గోల్నాక, న్యూస్‌టుడే: మహిళా బిల్లుకు అన్ని రాజకీయ పార్టీలు మద్దతు ఇవ్వాలని తెలంగాణ బీసీ మహాసభ రాష్ట్ర అధ్యక్షుడు రాజేందర్‌పటేల్‌గౌడ్‌ డిమాండ్‌ చేశారు. ఆదివారం చాదర్‌ఘాట్‌ మోతీమార్కెట్‌లోని కార్యాలయంలో ముఖ్య నేతలతో కలిసి విలేకరుల సమావేశంలో ఆయన మాట్లాడారు. కేంద్ర, రాష్ట్ర ప్రభుత్వాలతోపాటు ప్రధాన ప్రతిపక్షమైన కాంగ్రెస్‌, ఇతర పార్టీలు మహిళా బిల్లు విషయంలో ఏకం కావాలని కోరారు. అన్ని రాష్ట్రాల్లో మహిళా బిల్లు కోసం తీర్మానాలు చేసి కేంద్రానికి పంపాలని విజ్ఞప్తి చేశారు. బిల్లును వ్యతిరేకించే పార్టీలకు మహిళలు గుణపాఠం చెబుతారని హెచ్చరించారు. నేతలు భూషణ్‌భాస్కర్‌, ప్రత్యూష్‌, రాజు, లక్ష్మయ్యగౌడ్‌, బాబు పాల్గొన్నారు.