అంధులు.. చదరంగంలో ఎత్తులు

దేవనార్‌ పాఠశాలలో ఆడుతున్న అంధులు

బేగంపేట: దేవనార్‌ ఫౌండేషన్‌ ఫర్‌ ది బ్లైండ్‌ ఆధ్వర్యంలో బేగంపేట  లోని దేవనార్‌ పాఠశాలలో ఫిడే రేటింగ్‌ జాతీయ ఓపెన్‌ చదరంగం పోటీలు గురువారం ప్రారంభమయ్యాయి. వివిధ రాష్ట్రాలకు చెందిన 245 మంది 6 నుంచి 70 ఏళ్లలోపు అంధులు పాల్గొన్నారు. విశ్రాంత ఐఏఎస్‌ అధికారి బి.పి.ఆచార్య క్రీడాకారులను అభినందించారు. అత్యుత్తమ పాయింట్లు సాధించిన మొదటి 15 మందికి నగదు ప్రోత్సాహకంతోపాటు ట్రోఫీని అందిస్తామని నిర్వాహకులు ఫౌండేషన్‌ వ్యవస్థాపకుడు డా.ఎ.సాయిబాబాగౌడ్‌, సహ వ్యవస్థాపకురాలు డా.జ్యోతిగౌడ్‌ తెలిపారు.