మురుగు సమస్య తీరిస్తేనే ఓటేస్తాం

మురుగు నిలిచిన ప్రదేశం వద్ద నిరసన వ్యక్తం చేస్తున్న స్థానికులు
జవహర్‌నగర్‌, న్యూస్‌టుడే: ప్రతి ఎన్నికల్లో మాటలు చెబుతారు.. మళ్లీ కంటికి కనిపించరు.. ఏళ్లుగా ఈ సమస్య గురించి ఎమ్మెల్యే నుంచి అధికారులదాకా తీసుకెళ్లినా ఇంతవరకు పరిష్కారం కాలేదు..ఈసారి మాత్రం సమస్య పరిష్కరిస్తేనే మేం ఓట్లు వేస్తామని జవహర్‌నగర్‌ కార్పొరేషన్‌ పరిధిలోని 6వ డివిజన్‌ మల్లికార్జుననగర్‌ కాలనీవాసులు నిర్ణయించారు. బుధవారం మురుగు నిలిచిన ప్రదేశం వద్ద నిల్చుని నిరసన వ్యక్తం చేశారు. ఎన్నికల వేళ అబద్దపు హామీలతో నాయకులు మోసగిస్తున్నారని, అందుకే ఈ సారి సమస్య పరిష్కరిస్తేనే ఓటేస్తామంటూ తీర్మానించినట్టు చెప్పారు.