Bangalore: బెంగళూరులో పంక్చర్‌ మాఫియా

బెంగళూరులో కొత్త రకం మాఫియా పుట్టుకొచ్చింది. అదేంటంటే పంక్చర్‌ మాఫియా.. అవునండీ.. ఇప్పుడిది నగరంలో క్రియాశీలకంగా మారింది.

Updated : 30 May 2023 08:28 IST

మేకులు ఏరుతున్న మహ్మద్‌ ఇమ్రాన్‌ అలీ

బెంగళూరు (శివాజీనగర), న్యూస్‌టుడే: బెంగళూరులో కొత్త రకం మాఫియా పుట్టుకొచ్చింది. అదేంటంటే పంక్చర్‌ మాఫియా.. అవునండీ.. ఇప్పుడిది నగరంలో క్రియాశీలకంగా మారింది. పంక్చర్‌ దుకాణం ఉన్న చోటుకు ఒక కిలోమీటర్‌ పరిధిలో రహదారులు, కూడళ్ల వద్ద చిన్న మేకులు, మొనదేలి ఉన్న తీగలను కొందరు దుండగులు పడేస్తారు. ఇవి గుచ్చుకోగానే టైర్లు, ట్యూబులు పంక్చర్‌ అవుతాయి. దీంతో కొందరు నగదు సంపాదించుకుంటున్నారు. ఇటీవల ఈ తరహా ఫిర్యాదులు ఎక్కువ అయ్యాయి.

అశోకనగర ఠాణాలో ట్రాఫిక్‌ ఎస్సై మహ్మద్‌ ఇమ్రాన్‌ అలీ రహదారులపై పడి ఉన్న మేకులు, చువ్వలు తొలగిస్తూ, వాహనదారులకు మద్దతుగా నిలుస్తున్నారు. ఆనేపాళ్య, నంజప్ప కూడలి, అపేరా జంక్షన్‌ చుట్టుపక్కల నిత్యం కిలోకు పైగా మేకులు, ఇనుప తీగలను వీరు సేకరిస్తున్నారు. రహదారులు, దత్తపీఠానికి వెళ్లే మార్గంలోనే మేకులు వేసే మాఫియా ఉంది. ప్రధాన కూడళ్లలో సీసీ కెమెరాలు ఏర్పాటు చేస్తేనే ఇలాంటి మాఫియాను నియంత్రించేందుకు అవకాశం ఉంటుందని ఆయన పేర్కొన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.