సమస్యాత్మక పోలింగ్ కేంద్రాల పరిశీలన

సి.బెళగల్ గ్రామీణం: పోలకల్లు, గొల్లల దొడ్డి గ్రామాల్లో సమస్యాత్మక పోలింగ్ కేంద్రాలను జిల్లా ఎస్పీ జి. కృష్ణ కాంత్ మంగళవారం ఆకస్మికంగా తనిఖీ చేశారు. రెవెన్యూ అధికారులు ఏర్పాట్లు చేసిన సౌకర్యాలను పరిశీలించి, పోలీంగ్ సమయంలో ఎటువంటి అవాంఛనీయ సంఘటనలు జరగకుండా చేపట్టాల్సిన భద్రత చర్యల గురించి స్థానిక పోలీసు అధికారులకు పలు సూచనలు  చేశారు. ప్రశాంత వాతావరణంలో ఎన్నికలు జరిగే విధంగా  అందరూ సహకరించాలని కోరారు. ఈ కార్యక్రమంలో స్పెషల్ బ్రాంచ్ సీఐ శ్రీనివాస రెడ్డి, సి. బెలగళ్ పోలీసు స్టేషన్ ఎస్సై తిమ్మారెడ్డి ఉన్నారు.