కుళాయిలు కావాలని వైకాపా నాయకుడి నిలదీత

వైకాపా మండల ఇన్‌ఛార్జి మురళీమోహన్‌రెడ్డిని తాగునీటిని అడుగుతున్న పోతుల ఈరమ్మ

కోసిగి, న్యూస్‌టుడే: మా కాలనీకి తాగునీటి కుళాయిలు కావాలని ప్రచారానికి వచ్చిన వైకాపా మండల ఇన్‌ఛార్జి మురళీమోహన్‌రెడ్డి, ఎంపీపీ ఈరన్న, నాడిగేని నాగరాజులను మహిళలు నిలదీశారు. శుక్రవారం కోసిగిలో వైకాపా నాయకులు ఎన్నికల ప్రచారానికి వచ్చారు. శాంతినగర్‌లో పోతుల ఈరమ్మ అనే మహిళ మా కాలనీకి ఎన్నో ఏళ్ల నుంచి తాగునీటి కుళాయిలు కావాలని అడుగుతున్నా ఎవరూ పట్టించుకోవడం లేదని ప్రశ్నించారు. ఇతర కాలనీ మహిళలు సైతం తాగునీటికి ఇబ్బందులు పడుతున్నామని ఆవేదన వ్యక్తం చేశారు. వైకాపా నాయకులు సర్ది చెబుతూ ముందుకెళ్లారు.