ఐదేళ్ల వైకాపా పాలనలో అభివృద్ధి కుంటు పడింది

ఎమ్మిగనూరు వ్యవసాయం: ఐదేళ్ల వైకాపా పాలనలో అభివృద్ధి అన్ని రంగాల్లో కుంటుపడిందని కూటమి అభ్యర్థి బీవీ జయనాగేశ్వరరెడ్డి అన్నారు. శుక్రవారం పట్టణంలోని 24వార్డులో ఇంటింటి ప్రచారం నిర్వహించారు. తెదేపా అమలు చేయనున్న సూపర్ సిక్స్ పథకాలను వివరించారు. కాలనీవాసులతో సమావేశమై మాట్లాడారు. వైకాపా ప్రభుత్వం ప్రజలకు తాగునీరు, అంతర్గత రహదారులు వంటి కనీస వసతులు కల్పించలేక పోయిందన్నారు. భూగర్భ మురుగు కాల్వ పనులు పూర్తి చేయడంలో విఫలమైందని ఆరోపించారు. నిత్యావసర ధరలు, చెత్త, విద్యుత్తు బిల్లులు పెంచి ప్రజలపై భారం మోపిందన్నారు. ప్రచారంలో కొండయ్య చౌదరి, సుందరరాజు, ఈశ్వర్ తదితరులు పాల్గొన్నారు.