కలెక్టర్‌గా జి.రవి బాధ్యతల స్వీకారం

బాధ్యతలు చేపడుతున్న కలెక్టర్‌ రవి

మహబూబ్‌నగర్‌ పట్టణం, న్యూస్‌టుడే : మహబూబ్‌నగర్‌ కలెక్టర్‌గా జి.రవి బుధవారం బాధ్యతలు చేపట్టారు. అధికారులు, ప్రజాప్రతినిధులు, సిబ్బంది సహకారంతో జిల్లాను మరింత ముందుకు నడిపించేందుకు కృషి చేస్తానని ఆయన అన్నారు. త్వరలో మహబూబ్‌నగర్‌ జిల్లాపై పూర్తి అవగాహన పెంచుకొని ప్రభుత్వ పథకాలు సమర్థంగా అమలయ్యేలా కృషి చేస్తానన్నారు. సీఎం కేసీఆర్‌, సీఎస్‌ శాంతికుమారి, ఆబ్కారీ, క్రీడల శాఖ మంత్రి వి.శ్రీనివాస్‌గౌడ్‌కు కృతజ్ఞతలు తెలిపారు. కలెక్టర్‌ను అదనపు కలెక్టర్‌ కె.సీతారామారావుతోపాటు జిల్లా అధికారులు, టీజీవోలు, టీఎన్జీవోలు, నాలుగో తరగతి ఉద్యోగుల సంఘం నాయకులు పుష్పగుచ్చాలిచ్చి స్వాగతం పలికారు.