పదిలో ప్రభుత్వ విద్యార్థుల ప్రతిభ

రాజోలి: పదోతరగతి పరీక్షా ఫలితాల్లో రాజోలి ప్రభుత్వ పాఠశాలల విద్యార్థులు ప్రతిభ చాటారు. మండలంలో పది విద్యార్థుల ఉత్తీర్ణతాశాతం 74 శాతంగా నమోదైంది. ప్రభుత్వ పాఠశాలలకు సంబంధించి మొత్తం 200 మంది పరీక్ష రాయగా, 148 మంది విద్యార్థులు ఉత్తీర్ణత సాధించారు. 52 మంది అణుత్తీర్ణులయ్యారు. రాజోలి ఉన్నత పాఠశాల విద్యార్ధి మనోజ్‌కుమార్ 9.7 జీపీఏ మార్కులతో మండల టాపర్‌గా నిలిచాడు. మాన్రెదొడ్డిలో జయశ్రీ 9.3 జీపీఏ, కేజీబీవీలో అశ్విని 9.2 జీపీఏ మార్కులతో టాపర్‌గా నిలిచారు. ఇక రాజోలి ఉర్దూ మీడియం పాఠశాలలో వందశాతం ఉత్తీర్ణత నమోదైంది. మాన్రెడ్డిలో 79 శాతం, పెద్దతాండ్రపాడులో 73.3 శాతం, రాజోలిలో 69 శాతం ఉత్తీర్ణత నమోదైందని ఆయా పాఠశాలల హెచ్ఎంలు తెలిపారు.