కాంగ్రెస్‌ మాయమాటలు చెప్పి అధికారంలోకి వచ్చింది: ఎమ్మెల్యే

రాజోలి : ఆరు గ్యారంటీల పేరుతో మాయ మాటలు చెప్పి కాంగ్రెస్  అధికారంలోకి వచ్చిందని గద్వాల  ఎమ్మెల్యే బండ్ల కృష్ణమోహన్ రెడ్డి అన్నారు. సోమవారం ఆయన గద్వాల పట్టణంలోని 32 , 33 వార్డుల్లో ఎన్నికల ప్రచారం నిర్వహించారు. నాగర్ కర్నూల్ పార్లమెంటు అభ్యర్థి ఆర్ఎస్ ప్రవీణ్ కుమార్‌కు ఓటు వేసి గెలిపించాలని ఓటర్లను అభ్యర్థించారు. అభివృద్ధి, సంక్షేమమే భారాస  లక్ష్యమన్నారు.  భారాసను గెలిపించి భవిష్యత్తులో గద్వాలను మరింత అభివృద్ధి చేసుకుందామని పిలుపునిచ్చారు. ఆయన వెంట జిల్లా భారాస పార్టీ సీనియర్ నేత గడ్డం కృష్ణారెడ్డి, మున్సిపల్ వైస్‌ఛైర్మన్ బాబర్,  కౌన్సిలర్స్ నరహరి శ్రీనివాసులు, నాగిరెడ్డి తదితరులున్నారు.