వంతెన నిర్మాణ పనులు పూర్తి చేయాలని వినతి

రాజోలి: అయిజ పట్టణంలో ఏళ్లుగా నిర్మిస్తున్న పెద్ద వాగు వంతెన పనులు పూర్తిచేసి అందుబాటులోకి తీసుకురావాలని పట్టణానికి చెందిన ప్రజా సంఘాల ఐక్య వేదిక నాయకులు సోమవారం ఏవో భద్రతకు వినతిపత్రం అందజేశారు. ఈ మేరకు గద్వాల్ జిల్లా కలెక్టర్ కార్యాలయంలో వివిధ పార్టీల నాయకులు, ప్రజా సంఘాల నాయకులు కలిసి సమస్యను జిల్లా అధికారులకు వివరించారు. వంతెన నిర్మాణం పూర్తి చేయడంతో పాటు, పులికల్ రోడ్డు పనులు త్వరగా మొదలు పెట్టి ప్రజలకు అందుబాటులోకి తీసుకురావాలని వినతిపత్రం సమర్పించారు. కార్యక్రమంలో మున్సిపల్ ఛైర్మన్ దేవన్న, ఆయా పార్టీల నాయకులు పాల్గొన్నారు.