మహిళలను వేధిస్తే కఠిన చర్యలు

పాతబస్టాండ్‌(నారాయణపేట), న్యూస్‌టుడే : జిల్లా కేంద్రంలోని ప్రభుత్వ కళాశాల ఆవరణలో ఓపెన్‌ ఇంటర్‌ పరీక్షలు రాయడానికి వచ్చిన విద్యార్థులకు షీటీం పోలీసులు పలు సామాజిక అంశాలపై అవగాహన కార్యక్రమం నిర్వహించారు. షీ టీం ఏఎస్సై శ్రీదేవి మాట్లాడుతూ.. మహిళలను వేధింపులకు గురిచేసినా, ప్రేమ పేరుతో వేధించినా వారిపై చట్టప్రకారం కఠిన చర్యలు తీసుకుంటామని హెచ్చరించారు. వేధిస్తే రక్షణ కోసం షీ టీం పోలీసులను సంప్రదించాలని వివరాలకు 87126 70398కు సమాచారం ఇవ్వాలని కోరారు. సైబర్‌ నేరాలకు పాల్పడితే 1930కు సమాచారం ఇవ్వాలని సూచించారు. సిబ్బంది బాలరాజు, సమీనా, విద్యార్థులు పాల్గొన్నారు.