‘గౌరవెల్లి’ నీరందించడమే అత్యంత ప్రాధాన్యం

హుస్నాబాద్‌లో ఉదయపు నడకలో మంత్రి పొన్నం ప్రభాకర్‌ ప్రచారం
హుస్నాబాద్‌, న్యూస్‌టుడే: గౌరవెల్లి రిజర్వాయరు ద్వారా సాగునీరందించడానికి అవసరమైన చర్యలు తీసుకుంటున్నాం. దీనిపై సీఎం రేవంత్‌రెడ్డి అత్యంత ప్రాధాన్యంగా చేపడుతున్నారని రాష్ట్ర రవాణా, బీసీ సంక్షేమ శాఖల మంత్రి పొన్నం ప్రభాకర్‌ అన్నారు. మంగళవారం హుస్నాబాద్‌లో భీమదేవరపల్లి, సైదాపూర్‌, ఎల్కతుర్తి మండలాల కాంగ్రెస్‌ అధ్యక్షులు, బూత్‌ ఇన్‌ఛార్జులు, గ్రామశాఖల అధ్యక్షులు, ఇతర ముఖ్య నాయకులతో మండలాల వారీగా సమావేశాలు నిర్వహించారు. ఆయన మాట్లాడుతూ బస్సు సౌకర్యం లేని గ్రామాలకు ఏర్పాటు చేయిస్తానని హామీ ఇచ్చారు. అసెంబ్లీ ఇన్‌ఛార్జి శ్రీనివాస్‌గౌడ్‌, ఆయా మండలాల కాంగ్రెస్‌ అధ్యక్షులు, ఇతర నాయకులు పాల్గొన్నారు. హుస్నాబాద్‌ పట్టణంలో ఉదయపు నడకలో ఓటర్లను కలుస్తూ వి.రాజేందర్‌రావును గెలిపించాలని కోరారు. దారిలో చిరు వ్యాపారులు, ఆటో డ్రైవర్లు, వాకర్లను కలిసి ఓట్లు అభ్యర్థించారు.