మోదీ హయాంలో దేశం అభివృద్ధి చెందింది: భాజపా

భువనగిరి: భువనగిరి పార్లమెంట్ నియోజకవర్గ భాజపా అభ్యర్థి బూర నర్సయ్య గౌడ్‌కు మద్దతుగా పట్టణంలో ర్యాలీ నిర్వహించారు. కేంద్ర మంత్రి జైశంకర్, డా. కే లక్ష్మణ్‌ అంబేడ్కర్ చౌరస్తా వద్ద ఏర్పాటు చేసిన రోడ్ షోలో ప్రసంగించారు. భువనగిరి ఖిల్లాపై కాషాయ జెండా ఎగురవేస్తామని లక్ష్మణ్‌ అన్నారు. ప్రపంచం మెచ్చిన నాయకుడు మోదీ అన్నారు. ప్రజలు ఓటు అనే ఆయుధంతో రేవంత్ రెడ్డికి కర్రు కాల్చి వాత పెట్టాలని ఆరోపించారు. బూర నర్సయ్య మాట్లాడుతూ.. కోమటి రెడ్డి సోదరులు అమాయకులన్నారు. రుణ మాఫీ చేస్తా అంటున్నారు ముఖ్య మంత్రి రేవంత్ అది సాధ్యం అవుతుందా?అని ప్రశ్నించారు. ఆరు గ్యారెంటీలు ఆరు మోసాలయ్యాయన్నారు. జై శంకర్ మాట్లాడుతూ.. లక్ష్మీ నరసింహస్వామి ఆశీర్వాదం తమకు ఉందన్నారు. 10 ఏళ్లు దేశం వెనకంజలో ఉంటే  మోదీ ముందుండి నడిపిస్తున్నారని వివరించారు. దేశం మోదీ హయాంలో అభివృద్ధి చెందిందని అన్నారు. కార్యక్రమంలో నాయకులు, కార్యకర్తలు పాల్గొన్నారు.