కేసీఆర్‌ రోడ్‌ షోను జయప్రదం చేయాలి: క్యామ మల్లేష్‌

భువనగిరి: పార్లమెంట్ ఎన్నికల్లో భాగంగా ఈ నెల 25న జరిగే మాజీ ముఖ్యమంత్రి కేసీఆర్‌ రోడ్‌ షోను జయప్రదం చేయాలని భువనగిరి ఎంపీ అభ్యర్థి క్యామ మల్లేష్.. నాయకులు, కార్యకర్తలకు పిలుపునిచ్చారు. మంగళవారం జిల్లా పార్టీ కార్యాలయంలో భువనగిరి నియోజకవర్గ భారాస పార్టీ నాయకులు, కార్యకర్తలతో ఏర్పాటు చేసిన సమావేశంలో ఆయన ముఖ్య అతిధిగా పాల్గొని దిశానిర్దేశం చేశారు. అనంతరం కేసీఆర్‌ రోడ్‌ షో ఏర్పాట్లను భువనగిరి జడ్పీ ఛైర్మన్ సందీప్ రెడ్డి, రాష్ట్ర నాయకులు చింతల వెంకటేశ్వర్ రెడ్డి, మాజీ ఎమ్మెల్యేలు పైళ్ల శేఖర్ రెడ్డి, బిక్షమయ్య గౌడ్‌లతో కలిసి ఎంపీ అభ్యర్థి క్యామ మల్లేష్ పరిశీలించారు. నాయకులు, కార్యకర్తలు పాల్గొన్నారు.