భారాసకు ఎమ్మార్పీఎస్‌ మద్దతు

భువనగిరి: భువనగిరి పట్టణంలో ఎమ్మార్పీఎస్‌ నియోజకవర్గం ముఖ్య కార్యకర్తల సమావేశం సుగుణ మాదిగ అధ్యక్షతన నిర్వహించారు. కార్యక్రమంలో ముఖ్య అతిథిగా పాల్గొన్న రాష్ట్ర కోర్ కమిటీ సభ్యులు చిలుకమారి గణేష్ మాదిగ మాట్లాడుతూ.. తమకు రెండు పార్లమెంట్‌ స్థానాలు కేటాయించిన భారాసకు సంపూర్ణంగా మద్దతు తెలియజేస్తున్నట్లు తెలిపారు. ఈ సందర్భంగా భువనగిరి పార్లమెంట్ అభ్యర్థి క్యామ మల్లేశ్‌కు ఓటు వేసి గెలిపించగలరని ఆయన మాదిగలకు విజ్ఞప్తి చేశారు. ఈ కార్యక్రమంలో చింతల శంకర్, ఊట్ల యాదగిరి, బొట్టు నర్సింగరావు, తదితరులు పాల్గొన్నారు.