కాంగ్రెస్‌ ఇంటింటి ప్రచారం

భువనగిరి: భువనగిరి పార్లమెంట్ నియోజకవర్గం కాంగ్రెస్ అభ్యర్థి చామల కిరణ్ కుమార్ రెడ్డిని గెలిపించాలని కోరుతూ ఎమ్మెల్యే కుంభం అనిల్ కుమార్ రెడ్డి పట్టణంలో మంగళవారం ప్రచారం నిర్వహించారు. పట్టణంలోని పలు వార్డుల్లో ఇంటింటికి తిరుగుతూ కాంగ్రెస్ ఇచ్చిన 6 గ్యారంటీల్లో ఐదు గ్యారంటీలను అమలు చేసిన విషయాన్ని ఓటర్లకు తెలిపారు. కాంగ్రెస్ పార్టీ హామీలన్నీ నెరవేరాలంటే ఈ ఎన్నికల్లో చేతి గుర్తుకు ఓటు వేసి గెలిపించాలన్నారు. కార్యక్రమంలో పీసీసీ ప్రధాన కార్యదర్శి పూట్ల ప్రమోద్ కుమార్, మెంబర్ తంగలేపల్లి రవికుమార్, నాయకులు సోమయ్య తదితరులు పాల్గొన్నారు.