కోటంరెడ్డి శ్రీధర్‌రెడ్డి కుటుంబం ఆస్తి రూ.2.45 కోట్లు

ఈనాడు, నెల్లూరు: నెల్లూరు గ్రామీణ నియోజకవర్గం తెదేపా అభ్యర్థి కోటంరెడ్డి శ్రీధర్‌రెడ్డి కుటుంబం ఆస్తుల విలువ రూ.2.45 కోట్లుగా అఫిడవిట్‌లో చూపించారు.  తనపై, తన భార్య పేరు మీద ఉన్న ఆస్తులు, అప్పులను అఫిడవిట్‌లో పొందుపరిచారు. శ్రీధర్‌రెడ్డి పేరుతో రూ.95.61 లక్షల చరాస్తులు ఉండగా.. రూ.25.38 లక్షల స్థిరాస్తులున్నాయి. ఆయన భార్య సునందమ్మ పేరు మీద రూ.1.24 కోట్ల విలువైన స్థిర, చరాస్తులున్నాయి. వీరిద్దరికీ రూ.16.90 లక్షల అప్పులున్నాయి. ః శ్రీధర్‌రెడ్డిపై నాలుగు కేసులు ఉన్నట్లు చూపించారు.  చిన్నబజారు పోలీసుస్టేషన్‌ పరిధిలో ఎఫ్‌ఐఆర్‌ నంబరు 216/2023 నమోదై ఉంది. దర్గామిట్ట పోలీసుస్టేషన్‌లో క్రైమ్‌ నంబరు 152/2023గా కేసు నమోదైంది. వేదాయపాళెం పీఎస్‌లో 30-2023 ఎఫ్‌ఐఆర్‌ నంబరుతో మరో కేసు ఉంది. 2018లో ఏసీబీ నమోదు చేసిన బెట్టింగ్‌ కేసు ప్రస్తుతం  కోర్టు విచారణలో ఉంది.