పార్టీ నిర్ణయాలకు కార్యకర్తలు కట్టుబడి ఉండాలి

నాగిరెడ్డిపేట: పార్టీ ఏ నిర్ణయం తీసుకున్నా దానికి కార్యకర్తలు కట్టుబడి పనిచేయాలని మండల కాంగ్రెస్‌ పార్టీ అధ్యక్షులు శ్రీధర్‌ గౌడ్‌ అన్నారు. ఎన్నికల ప్రచారంలో భాగంగా నాగిరెడ్డిపేట మండలం తాండూర్ గ్రామంలో ప్రచారం నిర్వహించారు. ఈ సందర్భంగా శ్రీధర్‌గౌడ్‌ కార్యకర్తలకు పలు సూచనలు చేశారు. వివిధ శాఖ అధ్యక్షులు, కార్యదర్శులు, సీనియర్ నాయకులు, కార్యకర్తలు అందరూ కలిసికట్టుగా పనిచేసే ప్రచారం ఇంకా ఉధృతం చేయాలన్నారు.  ఎవరైనా సరే పార్టీని కాదని వేరే పార్టీకి మద్దతిస్తే వారిపై చర్యలు తీసుకుంటామన్నారు. కార్యక్రమంలో మండల కాంగ్రెస్ పార్టీ నాయకులు, కార్యకర్తలు పాల్గొన్నారు.