పదిలో ఉత్తమ ప్రతిభ కనబరిచిన విద్యార్థికి అభినందనలు

నాగిరెడ్డిపేట: పదో తరగతి ఫలితాల్లో  ఉత్తమ ప్రతిభ కనబరిచిన విద్యార్థిని గోపాల్‌పేట్‌ గ్రామ కాంగ్రెస్‌ కమిటీ ఆధ్వర్యంలో అభినందనలు తెలిపారు. గ్రామానికి చెందిన నబిల్ అహ్మద్‌ ఇటీవల వెలువడి పదో తరగతి ఫలితాల్లో 9.7 గ్రేడ్‌ పాయింట్లు సాధించారు. రానున్న రోజుల్లో  ఎలాంటి  పరీక్షల్లోనైనా  ఉత్తమ ప్రతిభ కనబరిచి గోపాల్‌పేట్‌ గ్రామానికి మంచి పేరు తీసుకురావాలని కమిటీ సభ్యులు ఆకాంక్షించారు. అనంతరం విద్యార్థిని సన్మానించారు. ఈ కార్యక్రమంలో నాగిరెడ్డి పేట మండలం మైనార్టీ సెల్ ప్రెసిడెంట్ ఇమామ్, గోపాల్‌పేట్ టౌన్ ప్రెసిడెంట్ శేఖర్,  కాంగ్రెస్ పార్టీ సీనియర్ నాయకులు సుధాకర్ గులాం హుస్సేన్ విక్రమ్ ఫారూఖ్,  రాజు,  అలీమ్ తదితరులు పాల్గొన్నారు.