కొనసాగుతున్న భాజపా ఎన్నికల ప్రచారం

నాగిరెడ్డిపేట: పార్లమెంట్ ఎన్నికల సందర్భంగా భాజపా అభ్యర్థి  బీబీ పాటిల్‌కు మద్దతుగా  మండల పార్టీ ఆధ్వర్యంలో ఎన్నికల ప్రచారం నిర్వహించారు. ఈ సందర్భంగా  బొల్లారం, చిన్న ఆత్మకూరులో ప్రచారాన్ని కొనసాగించారు.  పదేళ్లుగా  ప్రధాని మోదీ దేశాన్ని అభివృద్ధి పథంలో నడిపించారని కొనియాడారు. పేదలు, మహిళల అభివృద్ధి కోసం అనేక పథకాలను ప్రారంభించారని తెలిపారు.  రానున్న లోక్‌సభ ఎన్నికల్లో కమలం పువ్వుకు ఓటు వేసి భారీ మెజార్టీతో బీబీపాటిల్‌ను గెలిపించి మోదీకి బహుమతిగా అందించాలని కోరారు. ఈ కార్యక్రమంలో పార్టీ సీనియర్ నాయకులు రాజామోహన్ రెడ్డి, నాయకులు , కార్యకర్తలు, మహిళలు పాల్గొన్నారు.