గ్రామాల్లో భాజపా ఎన్నికల ప్రచారం

రామారెడ్డి: భాజపా ఎంపీ అభ్యర్థి బీబీ పాటిల్‌కు మద్దతుగా నాగిరెడ్డి మండలంలోని బొల్లారం, మెలకుంట తండా, ఆత్మకూరు, గ్రామలలో భాజాపా నాయకులు ఇంటింటి ప్రచారం నిర్వహించారు. ఉపాధి హామీ కూలీలను కలిసి కమలం పువ్వు గుర్తుకు ఓటు వేయాలని మండల అధ్యక్షుడు శ్రీకాంత్ ఆధ్వర్యంలో ప్రచారం నిర్వహించారు. ఈ సందర్భంగా వారు మాట్లాడుతూ.. గత పది సంవత్సరాలలో నరేంద్ర మోదీ పేద ప్రజల కోసం ఎన్నో అభివృద్ధి కార్యక్రమాలను పథకాలను తీసుకురావడం జరిగిందని అన్నారు. ఈ కార్యక్రమంలో సీనియర్ నాయకులు రాజమోహన్ రెడ్డి, మండల ఉపాధ్యక్షుడు శెట్టిగారి అంజయ్య, ప్రధాన కార్యదర్శి  శ్రీనివాస్, శేఖర్, రాజి రెడ్డి, నరేందర్ రెడ్డి, దేవిసింగ్, సదానంద రెడ్డి, వెంకట్రాంరెడ్డి, కార్యకర్తలు తదితరులు పాల్గొన్నారు.