ప్రధాని మోదీ ప్రచారం

నవరంగ్‌పూర్‌: నవరంగ్‌పూర్‌ జిల్లా చికిలి క్రీడా మైదానంలో భాజపా తరఫున ఏర్పాటు చేసిన బహిరంగ సమావేశంలో ప్రధాన మంత్రి నరేంద్ర మోదీ పాల్గన్నారు. అవిభక్త కోరాపుట్ జిల్లాలో ఉన్న రెండు లోక్‌సభ అభ్యర్థులను, 14 విదానసభ అభ్యర్థులను గెలిపించాలని కోరారు. రాష్ట్రంలో డబుల్ ఇంజిన్ ప్రభుత్వం ఖచ్చితంగా నడుస్తుందని అన్నారు. బిజదకు ఈ ఏడాదితో గడువు ముగిసిందని, వారి అవినీతి ప్రభుత్వం నడిపేందుకు భాజపా ఇక అంగీకరించదు అని అన్నారు. అభ్యర్థులను గెలిపించి పద్మం వికాసానికి తోడ్పడాలని కోరారు. పట్టకాలికి చెందిన విద్యార్థిని మనీషా మోదీ చిత్రపటాన్ని స్వయంగా పెన్సిల్లో చిత్రికరించి ఆయనకు బహుకరించింది. సమావేశంలో ఒక లక్ష 30 వేల మంది జనాభా సభ్యులు పాల్గొన్నట్టు అధికారులు అంచనా వేశారు. కట్టుదిట్టమైన భద్రతతో సమావేశం జరిగింది.