9 మంది మావోయిస్టుల లొంగుబాటు

లొంగిపోయినవారితో ఐజీ తదితరులు

భువనేశ్వర్‌, న్యూస్‌టుడే: బౌద్ధ్‌  ఎస్పీ కార్యాలయంలో దక్షిణ మండల ఐజీ జయనారాయణ పంకజ్‌ సమక్షంలో బుధవారం 9 మంది మావోయిస్టులు లొంగిపోయారు. వీరిలో ఇద్దరు మహిళలున్నారు. వీరంతా ఛత్తీస్‌గఢ్‌ దంతెవాడ కేకేబీఎస్‌ దళం సభ్యులని ఐజీ విలేకరులకు చెప్పారు. లొంగిపోయిన మహిళా మావోయిస్టులు విలేకరులతో మాట్లాడుతూ... తమను లైంగిక వేధింపులకు గురి చేశారని, ఇబ్బందులు పడ్డామన్నారు. జనజీవన స్రవంతిలో చేరి మంచి పనులు చేయాలన్న ఉద్దేశంతో లొంగిపోయినట్లు తెలిపారు. వారికి పునరావాసం కల్పించే దిశగా ఏర్పాట్లు చేస్తామని ఐజీ చెప్పారు.