ప్రజలకు అధికారుల ప్రోత్సాహం ఉండాలి: కలెక్టర్‌

సాలూరు గ్రామీణం: కొవిడ్‌ సమయంలో వ్యాక్సిన్‌ తీసుకొనేందుకు ఎవరూ ముందుకు రాలేదు, అటువంటి సమయంలో అధికారులే ప్రజలను ప్రోత్సహించాలని కలెక్టర్‌ నిశాంత్‌ కుమార్‌ అన్నారు.  జగనన్న కాలనీలు, ఇళ్ల నిర్మాణాల విషయంలో కూడా అధికారులు ముందుకు వచ్చి ప్రోత్సాహం అందించాలని ఆయన వివరించారు. శనివారం ఎంపీడీవో కార్యాలయంలో సాలూరు అర్బన్‌, రూరల్‌ పరిధిలోని గృహ నిర్మాణ శాఖ అధికారులు, ఇంజినీరింగ్‌ అసిస్టెంట్‌లతో సమీక్షా సమావేశం నిర్వహించారు. ఈ సందర్భంగా ఆయన మాట్లాడారు. అధికారులు తమకు కేటాయించిన లక్ష్యాలను పూర్తి చేయాలన్నారు. కార్యక్రమంలో ఎంపీడీవో పార్వతీ, గృహ నిర్మాణశాఖ ఉన్నతాధికారులు పాల్గొన్నారు.