నేటి నుంచి పోస్టల్‌ బ్యాలెట్‌

అధికారులతో చర్చిస్తున్న కలెక్టర్‌
విజయనగరం ఉడాకాలనీ, న్యూస్‌టుడే: జిల్లా వ్యాప్తంగా ఉన్న నియోజకవర్గ కేంద్రాల్లో ఆదివారం పోస్టల్‌ బ్యాలెట్‌ ప్రక్రియ ప్రారంభంకానుంది. ఈమేరకు ఏర్పాటు చేసిన ఫెసిలిటేషన్‌ సెంటర్లను శనివారం కలెక్టర్‌ నాగలక్ష్మి తనిఖీ చేశారు. ఏర్పాట్లను పరిశీలించారు. ఎస్‌.కోట ప్రభుత్వ జూనియర్‌ కళాశాల కేంద్రాన్ని చూసి, ఆర్వో మురళీకృష్ణకు సూచనలు చేశారు. విజయనగరం జేఎన్‌టీయూ గురజాడ విశ్వవిద్యాలయంలో రెండు ఫెసిలిటేషన్లను సందర్శించారు. హెల్ప్‌డెస్క్‌లను ఏర్పాటు చేసి, ఓటు వేయడానికి వచ్చే ఉద్యోగులకు అవసరమైన సమాచారాన్ని అందించాలని ఆదేశించారు.జేసీ కార్తీక్‌, సహాయ కలెక్టర్‌ వెంకట త్రివినాగ్‌, డీఆర్వో అనిత, డీఆర్‌డీఏ పీడీ కల్యాణ్‌ చక్రవర్తి, ఎస్సీ కార్పొరేషన్‌ ఈడీ సుధారాణి తదితరులు పాల్గొన్నారు. బీ విజయనగరం పోలీసు శిక్షణ కళాశాల, ఎస్‌.కోట ప్రభుత్వ జూనియర్‌ కళాశాలలోని ఈవీఎం కేంద్రాలను కలెక్టర్‌ పరిశీలించారు.