రాక్షస పాలన వారంలో ముగుస్తుంది

మాజీ మంత్రి కిమిడి కళా వెంకట్రావు

పత్తికాయవలసలో మాట్లాడుతున్న కళా వెంకటరావు, చిత్రంలో మాజీ ఎమ్మెల్యే గద్దె, త్రిమూర్తులరాజు

చీపురుపల్లి గ్రామీణం, న్యూస్‌టుడే: రానున్న మరో వారం రోజుల్లో రాక్షస పాలన ముగుస్తుందని, ప్రజలంతా ఓటు అనే బలమైన ఆయుధంతో గద్దె దింపుతారని మాజీ మంత్రి, చీపురుపల్లి ఎన్డీయే కూటమి అభ్యర్థి కిమిడి కళా వెంకట్రావు అన్నారు. చీపురుపల్లి మాజీ ఎమ్మెల్యే గద్దె బాబూరావు, పూర్వపు నియోజకవర్గ బాధ్యుడు కుచ్చర్లపాటి త్రిమూర్తులరాజు తదితరులతో కలిసి బెవరపేట, పత్తికాయవలస, కర్లాం గ్రామాల్లో ఎన్నికల ప్రచారాన్ని నిర్వహించారు. ఆయా సభల్లో కళా మాట్లాడారు. పత్తికాయవలసలో పలువురు వైకాపాను వీడి ఆర్‌ఈసీఎస్‌ మాజీ అధ్యక్షుడు దన్నాన రామచంద్రుడు ఆధ్వర్యంలో కళా వెంకట్రావు సమక్షంలో తెదేపాలో చేరారు. తెదేపా రాష్ట్ర కార్యదర్శి కిమిడి రామ్‌ మల్లిక్‌ నాయుడు, నియోజకవర్గ జనసేన బాధ్యుడు విసినిగిరి శ్రీనివాసరావు, భాజపా సమన్వయకర్త ఎస్‌వీఎల్‌ఎన్‌ రాజు, పత్తికాయవలస సర్పంచి దన్నాన పద్మావతి, కర్లాం మాజీ సర్పంచి బాణాన రామకృష్ణంనాయుడు, పీకే పాలవలస మాజీ సర్పంచి గొర్లె లక్ష్మణ తదితరులు పాల్గొన్నారు.