ఎన్నారైకు శిశుగృహ చిన్నారి దత్తత

 కలెక్టర్‌ దినేష్‌కుమార్‌ నుంచి పాప దత్తత  పత్రాలు తీసుకుంటున్న దంపతులు  

ఒంగోలు గ్రామీణం, న్యూస్‌టుడే: హైదరాబాద్‌కు చెందిన అజయ్‌గోపి దంపతులు అమెరికాలోని జార్జియా రాష్ట్రంలో సొంత సాఫ్ట్‌వేర్‌ కంపెనీ నిర్వహిస్తూ అక్కడే స్థిరపడ్డారు. సదరు దంపతులు జిల్లా మహిళ, శిశు సంక్షేమశాఖ ఆధ్వర్యంలో నిర్వహిస్తున్న ఒంగోలులోని శిశుగృహానికి చెందిన పాపను దత్తత తీసుకునేందుకు దరఖాస్తు చేసుకున్నారు. ఈ మేరకు స్థానిక క్యాంపు కార్యాలయంలో కలెక్టర్‌ దినేష్‌కుమార్‌ చేతుల మీదుగా ఆ చిన్నారికి సంబంధించిన దత్తత పత్రాలు అందుకున్నారు. కార్యక్రమంలో జిల్లా మహిళ, శిశు సంక్షేమశాఖ అధికారి కె.మాధురి, జిల్లాల బాలల సంరక్షణ అధికారి పి.దినేష్‌కుమార్‌ పాల్గొన్నారు.