బాలికలదే పైచేయి!

పది ఫలితాల్లో సిక్కోలు విద్యార్థుల సత్తా
రాష్ట్రస్థాయిలో జిల్లాకు రెండో స్థానం
న్యూస్‌టుడే, కలెక్టరేట్‌(శ్రీకాకుళం)

శ్రీకర్‌(597), కాశీబుగ్గ

పదో తరగతి ఫలితాల్లో సిక్కోలు విద్యార్థులు సత్తా చాటారు. గతేడాది మాదిరిగానే జిల్లా రాష్ట్రస్థాయిలో రెండో స్థానంలో నిలిచింది. అప్పటి కంటే ఫలితాల శాతం మెరుగైంది. బాలుర కంటే బాలికలు పైచేయి సాధించారు. మొత్తం 28,745 మంది విద్యార్థులు హాజరుకాగా.. వారిలో 26,833 మంది ఉత్తీర్ణులయ్యారు. బాలురు 14,712 మందికిగాను 13,489 పాసయ్యారు. బాలికలు 14,033 మందికి 13,344 మంది ఉత్తీర్ణత సాధించారు. మొత్తం 93.35 శాతం మంది విద్యార్థులు ఉత్తీర్ణులయ్యారు.

శ్రీవల్లి (595), కోటబొమ్మాళి ,    భాగ్యశ్రీ(596), మందస 

ప్రథమ శ్రేణిలో 23,157 మంది: రాష్ట్రస్థాయి ప్రథమ శ్రేణిలో ఉత్తీర్ణులైన జాబితాలో జిల్లా విద్యార్థులే అగ్రస్థానంలో నిలిచారు. 28,745 మంది పరీక్ష రాయగా.. 23,157 మంది ప్రథమ, 2,774 మంది ద్వితీయ, 902 మంది తృతీయ శ్రేణిలో ఉత్తీర్ణులయ్యారు.