బాలల పురస్కారాలకు దరఖాస్తుల ఆహ్వానం

పాతశ్రీకాకుళం, న్యూస్‌టుడే: జిల్లాలోని వివిధ రంగాల్లో ప్రతిభ కనబరిచిన ఐదు నుంచి 18 ఏళ్ల లోపు వయసు కలిగిన బాలలకు కేంద్ర ప్రభుత్వం అందించే జాతీయ పురస్కారాలకు దరఖాస్తు చేసుకోవాలని రాష్ట్ర బాలల హక్కుల పరిరక్షణ కమిషన్‌ సభ్యులు గొండు సీతారాం శుక్రవారం ఒక ప్రకటనలో సూచించారు. సామాజిక సేవ, సాంకేతిక పరిజ్ఞానం, విద్య, ధైర్య సాహసాలు, పర్యావరణం, క్రీడలు, కళలు, సాహిత్యం, సంగీతం, నృత్యం, పెయింటింగ్‌, నూతన ఆవిష్కరణలు, నైపుణ్యాలు, నాయకత్వ లక్షణాలు తదితర అంశాల్లో ప్రతిభ చూపుతున్న బాలలు జూలై 31లోగా ్చ‌్ర్చ౯్ట(.్ణ్న‌్ర.i- వెబ్‌సైట్ ద్వారా దరఖాస్తు చేసుకోవాలని కోరారు. ఎంపికైన వారికి న్యూదిల్లీలో రాష్ట్రపతి చేతుల మీదుగా ప్రశంసాపత్రం, జ్ఞాపికలు అందజేస్తారని వివరించారు.