ప్రచారం జోరు..!

చంద్రబాబు వెంటే యాదవులు

ఇచ్ఛాపురం, న్యూస్‌టుడే: తెలుగుదేశం పార్టీ ఆవిర్భావం నుంచి యాదవులలో అత్యధికులు ఈ పార్టీ వెంటే ఉన్నారని, రాబోయే కాలంలో సముచిత స్థానం లభిస్తుందని పట్టణ తెదేపా అధ్యక్షులు కాళ్ల ధర్మారావు యాదవ్‌ అన్నారు. తెదేపానే నమ్ముకుని, ఏళ్ల తరబడి పార్టీ విజయానికి కృషిచేయడం జరుగుతోందని, ఈ ఎన్నికలలో కూడా అందరూ కూటమి అభ్యర్థుల విజయానికి కృషిచేయాలని ఆయన పిలుపునిచ్చారు.

ఇచ్ఛాపురం, పలాస, న్యూస్‌టుడే: కూటమి అధికారంలోకి వస్తేనే రాష్ట్ర ప్రజలు సంతోషంగా ఉంటారని, అభివృద్ధి పరుగులు తీసుందని తెదేపా నాయకులు అన్నారు. ఇచ్ఛాపురం, పలాస ప్రాంతాల్లోని జోరుగా ప్రచారం చేశారు. చంద్రబాబును గెలిపించుకుందామని పిలుపునిచ్చారు. సూపర్‌-6పై అవగాహన కల్పించారు.

వజ్రపుకొత్తూరు మండలం చీపురుపల్లి పంచాయతీ డెప్పూరు, సొండిపూడికి చెందిన పది మంది తెదేపాతో చేరారు. కూటమి అభ్యర్థి గౌతు శిరీష పార్టీలోకి ఆహ్వానించారు.

తెదేపాలో పలువురి చేరిక

కంచిలి, న్యూస్‌టుడే : శాసన సభ్యుడు బెందాళం అశోక్‌ సమక్షంలో సోమవారం తలతంపర పంచాయతీలో 60 కుటుంబాలు తెదేపాలో చేరాయి. కార్యక్రమంలో మండల తెదేపా నాయకులు ఎం.రామారావు, బి.కురయ్య, ఎం.పూర్ణ, శ్రీను తదితరులు పాల్గొన్నారు.