నియంతృత్వ పాలనకు చరమగీతం పాడుదాం

కలెక్టరేట్‌(శ్రీకాకుళం), న్యూస్‌టుడే: రాష్ట్రంలో అయిదేళ్ల పాటు కొనసాగిన వైకాపా ప్రభుత్వ నియంతృత్వ పాలనకు చరమగీతం పాడుదామని తెదేపా ఎంపీ, ఎమ్మెల్యే అభ్యర్థులు కింజరాపు రామ్మోహన్‌నాయుడు, గొండు శంకర్‌ పిలుపునిచ్చారు. శ్రీకాకుళం గ్రామీణ మండలం నైర పంచాయతీలో సోమవారం ప్రచారం నిర్వహించారు. ఈ సందర్భంగా ఎంపీ మాట్లాడుతూ జగన్‌ హయాంలో అందరూ ఇబ్బందులు పడ్డారని, చంద్రబాబుతోనే అన్ని వర్గాలకు న్యాయం జరుగుతుందని స్పష్టం చేశారు. అనంతరం ఇంటింటికీ వెళ్లి సూపర్‌-6 పథకాలు, ఉమ్మడి మ్యానిఫెస్టోలోని అంశాలను ప్రజలకు వివరించారు. కార్యక్రమంలో సర్పంచి అరవల రామ్‌ప్రతాప్‌, అరవల రవీంద్ర, శ్రీలత, కృష్ణమోహన్‌ పాల్గొన్నారు.