సెట్విన్‌ సీఈవోగా రామ్‌గోపాల్

విజయనగరం రింగురోడ్డు: యువజన సర్వీసుల శాఖ(సెట్విన్‌) ముఖ్య కార్యనిర్వహణాధికారిగా బి.రామ్‌గోపాల్ గురువారం బాధ్యతలు స్వీకరించారు. తాత్కాలిక సీఈవో దుర్గాప్రసాద్‌ ఆయనకు స్వాగతం పలికి బాధ్యతలు అప్పగించారు. 2018 తర్వాత తాత్కాలిక అధికారులతోనే ఈ విభాగాన్ని నడిపించుకు వస్తున్నారు. చాలా రోజుల తర్వాత శాశ్వత పోస్టులో సీఈవోను  నియమించడం ఆనందంగా ఉందని కార్యాలయ వర్గాలు ఆనందం వ్యక్తం చేశాయి. రామ్‌గోపాల్‌ అమరావతి నుంచి బదిలీపై ఇక్కడికి వచ్చారు. ఈ సందర్భంగా ముఖ్య శిక్షకులు పి.అప్పలనాయుడు, తదితరులు స్వాగతం పలికారు. ఆయనకు పుష్ఫగుచ్ఛాలు అందజేసి శుభాకాంక్షలు తెలిపారు.