రాతియుగం నాటి కంకణ శిల లభ్యం

భూపతిపురం గ్రామంలో లభించిన కంకణ శిల
సుమారు ఆరు వేల ఏళ్ల నాటి అపురూపమైన కొత్త రాతియుగం పనిముట్టు కంకణ శిలను ములుగు జిల్లా కన్నాయిగూడెం మండలంలోని భూపతిపురం గ్రామంలో కనుగొన్నట్లు కొత్త తెలంగాణ చరిత్ర బృందం కన్వీనర్‌ రామోజు హరగోపాల్‌, పరిశోధక సభ్యులు అహోబిలం కరుణాకర్‌, మహమ్మద్‌ నసీరుద్దీన్‌, చిడం రవి తెలిపారు. ఈ రాతి పరికరాన్ని తవ్వుకోల మీద, వలలను ముంచేందుకు బరువుగా, పూసలను మెరుగుపెట్టేందుకు ఉపయోగపడేదని అన్నారు. ఇనుము లోహాన్ని కనిపెట్టని కాలంలో డోలరైట్‌ రాయిని కంకణశిలగా మలచడంలో ఆనాటి మనుషుల పనితీరుకు అద్దం పడుతోంది. ఇటువంటి శిలను కర్ణాటక రాష్ట్రం సంగనకల్లులో చరిత్రకారుడు ప్రొఫెసర్‌ కొరిశెట్టి రవి తవ్వకాలలో సేకరించగా, ప్రస్తుతం అది బళ్లారిలోని మ్యూజియంలో ఉంది.

- న్యూస్‌టుడే, కన్నాయిగూడెం