దివ్యాంగ విద్యార్థుల అభ్యున్నతిపై ప్రత్యేక శ్రద్ధ

దివ్యాంగ చిన్నారులకు కిట్లు పంపిణీ చేస్తున్న సమగ్ర శిక్ష ఏపీసీ ప్రభాకర్‌రెడ్డి

వేంపల్లె, న్యూస్‌టుడే: దివ్యాంగ విద్యార్థుల అభ్యున్నతిపై ప్రభుత్వం ప్రత్యేక శ్రద్ధ కనపరుస్తోందని సమగ్ర శిక్ష ఏపీసీ డాక్టర్‌ అంబవరం ప్రభాకర్‌రెడ్డి పేర్కొన్నారు. వేంపల్లె భవిత పాఠశాలలో గురువారం ఏర్పాటు చేసిన కార్యక్రమంలో 210 మంది దివ్యాంగ చిన్నారులకు బోధనోపకరణాల కిట్లు పంపిణీ చేశారు. ఈ సందర్భంగా ఆయన మాట్లాడుతూ దివ్యాంగ చిన్నారులను భవిత కేంద్రం నిర్వాహకులు కంటికి రెప్పలా చూసుకోవాలన్నారు.  కార్యక్రమంలో జిల్లా సమ్మిళిత విద్య సమన్వయకర్త కేశవరెడ్డి, సహాయ సమన్వయకర్తలు రమణమూర్తి, దశరధ]రామిరెడ్డి, నెల్లూరు సీఆర్సీలు ప్రవీణ్‌కుమార్‌, జగన్‌, ఐఈఆర్టీలు యశోద, మమత, సిద్దారెడ్డి, విజయమ్మ, రాంబాబు, తదితరులు పాల్గొన్నారు.